• Als Spam markieren
• Beitrag melden

• 
  Diese Gruppe Alles

• Archiv
• RSS-Feeds

• Kontakt
• Hilfe
• Impressum
• Datenschutz

Re: Bankenmiserie

In article <f576e4d0b2vaqqiduq57t41tjc4k6rallr@4ax.com>, Manfred D.
<wdumml@gmx.de> wrote:

> On Wed, 01 Oct 2008 08:07:06 +0200, Guenther Fischer
> <never@spam.invalid> wrote:
>
> >Weswega i des ganze uff oi Persoo bezoga han: Mir Europäer hend onser
> >Syschdem in de letzschde Johre schee en Ordnung brocht ond d Amerikaner
> >hend dank GWB gleichzeitig schiergar nix gmacht. D Abschdimmung em
> >Kongress war aufschlussreich: D Partei vom GWB hodd überwiegend gege
> >sein Vorschlag gschdimmt ond d Begründung isch ao klar: Des
> >GWB-Programm isch schierer Sozialismus. Gift für jeden Republikaner
> >(ond für viele Demokrata ao). Genao so denked dia Leut dort über
onser
> >europäisches Syschdem.
>
> Ob dees Brogramm vom GWB isch? Vielleihct hot jo dr paulson seine alte
> Buddies raushaua wella - der war jo firahr Chef von Goldman Sachs, und
> massgäblich an derra Investmentbankbloas beteiligt.

En dr Grondidee wird es em GWB zuagschrieba - inzwischa isch des
Papierle von 3 Seita uff über 100 aagschwolla...

> >Ob sich des Problem so oifach, wia dr GWB denkt, mit ma grossa
> >Rondomschlag lösa lässt, do dra han i grosse Zweifel.
>
> Doh bisch it dr oinzig.
>
> >Vielleicht lohnt
> >sich jo en Blick noch Japan, dort isch des Thema ao scho do gwesa ond
> >inzwischa weitgehend glöst.
>
> Hot abr lang dauert.....

So isch s. Des isch aber vermuatlich nomol a Größaordnung gräßer
gwea
als des in Amerika.

> >Aber zrugg zo de Aktia: Bei dene Preis ka mr wirklich eischdeiga. S
> >Risiko isch nedd sehr graoss, dass dr Markt weiter zammabricht. A
> >gewissa Erholung en Europa ond ao en Amerika wird sich eischdella. Des
> >könnt em Oinzelfall ordentliche Gwinn bedeuta.
>
> Richtig, abr mr derf it vrgessa dass dees a Weile daura kennt . I hon
> in de 90gr Johr - i glaub 94 -  schommol a Zertifikat auf dr Nikkei
> ghett weil doh jeedr denkt hot: der muass etzat komma. Und nix isch
> bassiert, im Gegadoil. Vo 20000 auf um 10000 ischr gfalla.

Genao. I däd jetzt grad ao nedd auf an amerikanischa (Misch-)Fond setza.

> >S gibt jo durchaus ao oinzelne Aktia, dia en de letzschde Monat
> >sakrisch an Wert zuagnomma hend. Volkswagen zom Beischbiel. Des isch
> >zwor en Sonderfall, aber bei ra wirklicha Krise gibt es koine
> >Sonderfäll meh.
>
> VW isch en ganz bsondra Sondrfall.
>
> >A zwoides Beischbiel isch d Commerzbank... do derzua sag i aber nix,
> >des ka sich jeder selber zammareima, wenn er de letzschde Wocha
> >Nochrichta ond Börsakurs verfolgt hodd. Do draus ka mr seine Schlüss
> >ziaga. Deutsche Bank liegt a bissale anderschd, isch aber en dr
> >Konsequenz für Anleger ähnlich zom seha.
>
> CoBa beobacht i au.....
>
> Und ganz generell: alsi i dät koine Road gaeba - viel z'gfährlich.....

I hoff, dass koiner des so verschdanda hodd, dass i an Road gebba hedd.
Erschdens derf i des nedd ond zwoidens ben i selber ao grad arg
vorsichtig ond kaof ao nedd....

Antworten